Рысқұлов, Мұқанов сатқын ба? Сапарбаев пен Мағауин не жайлы сөйлесті? – Құлбек Ергөбек

Ұлт ертеңі үшін қаймықпай күрескен, ата-бабадан қалған әдеби-мәдени мұраны қызғыштай қорғап, сол жолда өмірін бәйгеге тіккен Бейсембай Кенжебаев нағыз «руханият батыры» еді. Adal Adam youtube арнасы осындай әдебиет білгірі, қайраткер қаламгердің сүйікті шәкірті, туған баласындай болып кеткен ізбасары – жазушы, әдебиет сыншысы, Мемлекеттік сыйлықтың иегері Құлбек Ергөбекпен сұхбаттасып, айтулы текті тұлғаны әңгімеге арқау етті.

Сұхбатта Бейсембай Кенжебаевтың қиын да сырлы тағдыры, Алаш және совет қайраткерлері, қаламгерлерімен қарым-қатынасы, қазақ әдебиеттануына сіңірген еңбегі айтылды. Өкінішке қарай, ұлт пен ұрпақты ұшпаққа шығарам деп ғұмырын кешкен ғалым Тәуелсіздік кезеңде де өз дәрежесінде дәріптелмей келеді... 

Сонымен қатар, Құлбек Ергөбек 20 ғасырда өмір сүрген көптеген қайраткерлер туралы, тарихи оқиғалар жайлы ой өрбітіп, өзінің бағасын берді. Тұрар Рысқұлов, Сәбит Мұқанов, Сәкен Сейфуллин сатқын ба? Әлихан Бөкейханның шешімі «ашаршылыққа» себеп болды ма? Ленин түрік пе? Мағжан Жұмабаев 1950 жылдарға дейін тірі болғаны рас па? Мұхтар Мағауин неге елге оралмады? Қазақ қаламгерлерінің жарларының ерлігі қандай? Қуғын-сүргінге, Бейсембай Кенжебаевқа, халық медицинасына арналған музейлер неге жабылып қалды? Сұхбатта осы және өзге де тақырыптар сараланды.

Айта кетейік, бұл кең көлемдегі сұхбаттың бірінші бөлімі. Жалғасы бар...