«Киік атып сотталған азаматтарды босатсын»: Алмасбек Садырбаев тосын мәлімдеме жасады
Оның айтуынша, бүгінде киікті аяусыз қырып жатыр. Онда не үшін бұған дейін киіктерді өлердей қорғады.
“Шопан ата” ұлттық агро-қозғалысының төрағасы Алмасбек Садырбаев «ADAL ADAM» youtube-арнасына берген сұхбатында киік ату мәселесіне қатысты ұстанымы мен мәселені шешу жолын ұсынды.
«Киікті ұжымдасқан түрде атуға қарсымыз. Батыс өңірдегі киік төлін Бетпақдалаға көшірсе, мәселе шешіледі. Біз, шаруалар, оған көмектесуге дайынбыз», — деді ол.
Сондай-ақ сарапшы киік атып сотталған азаматтарға бостандық беру туралы ұсыныс айтты. Оның йтуынша, бұл қадам әділдік орнауына ықпал етеді екен.
«Үкіметтің тұрақсыз, шала саясатын айтқым келеді. Кезінде қанша азамат киік атқаны үшін сотталды. Олардың артында зар еңіреп бала-шаға, ағайын-туысы қалды. Ал қазір киікті атуға ресми рұқсат беріп отыр. Онда бұрын киік атып сотталған азаматтарды босатсын. Әділетті заң шеңберінде солай жасау қажет», — деді ол.
Сонымен қатар қоғам белсендісі киік санын реттеу саясатының жүйесіз жұмысын сынға алды.
«Қызығы, киікті атуға ресми рұқсат берілгенімен, оның етін сақтауға, өңдеуге және сатуға заңмен тыйым салынған. Яғни, 12 жылға дейін бас бостандығынан айырылу қауіпі бар. Демек қазіргі таңда киік атып, етін сақтап, сатып, өңдеп жатқан азаматтар заңға қайшы әрекет етуде. Бұл биліктің біліксіздігінен туындап отыр», — деді Алмасбек Садырбаев.
Сейчас читают
Өзбекәлі өнегесі. Жәнібеков НӘН-нің неден «құритынын» білді. Әдебиеттегі дау-дамай – Құлбек Ергөбек / 2-бөлім
Рысқұлов, Мұқанов сатқын ба? Сапарбаев пен Мағауин не жайлы сөйлесті? – Құлбек Ергөбек
Мұнай магнаттары тәубәсіне келді ме? Ел тағдыры «екі крайникке» байлаулы ма? – Е.Жаңбыршин
«Жыланның басын шабу керек». Реваншистерде шанс жоқ? Бергей елге орала ма? Үздік әкім кім?- А.Құспан
Үкімет ауыса ма? Танзаниядан неміз артық? Жамбыл жері уахабизм ошағы бола жаздады ма?- Е.Саурықов
