«Сапарбаев Мағауинмен сөйлескен»: Құлбек Ергөбек ел естімеген құпияны ашты

Жазушы, әдебиет сыншысы, Мемлекеттік сыйлықтың иегері Құлбек Ергөбек Adal Adal youtube арнасына берген сұхбатында кезінде мемлекет және қоғам қайраткері Бердібек Сапарбаев жазушы Мұхтар Мағауинді Қазақстанға шақырғанын айтты.

«Бердібек Сапарбаев Мұхтар Мағауинмен сөйлескен. Бертінде Шығыс Қазақстан облысында әкім болып жүргенінде. Бекең «Мұқа, сіз Бейсекеңнің (Бейсембай Кенжебаев) шәкірті екенсіз, маған Құлбек (Ергөбек) айтты. Бейсекең маған туысқан адам еді. Сіз елге қайтсаңызшы. Адасқан қаздай болып қашанғы жүресіз ол жақта. Мен сізге жағдай жасайын. Астанадан үй керек болса, Астанадан үй алып берейін. Болмаса, Шығыс Қазақстаннан Лев Толстойдың «Ясная Полянасы» сияқты жайлаудан жай жасап берейін» дейді. Сосын Мағауин «мақұл» деген», - деді жазушы-ғалым.

Алайда, "жоғары жақтың ризашылығы болмай" Сапарбаевтың ниеті іске аспай қалған көрінеді.