Шымкентте 150 орынға арналған оңалту орталығы салынады

Шымкент қаласының жұмыспен қамту және әлеуметтік қорғау басқармасына қарасты 12 арнаулы әлеуметтік қызметтер көрсету орталықтары бар, орталықтарда 1162 қызметкерлер қызмет көрсетеді.

Арнаулы әлеуметтік қызметтер әлеуметтік салада психоневрологиялық ауытқуы бар, тірек-қимыл аппараты функциялары бұзылған мүгедек балаларға, 18 жастан асқан психоневрологиялық ауруы бар азаматтарға, өзіне-өзі қызмет көрсете алмайтын жалғызілікті І-ІІ топтағы мүгедектер мен қарттарға стационар, жартылай стационар, үйде қызмет көрсету жағдайында мемлекеттік мекемелерге альтернатив ретінде үкіметтік емес ұйымдар арқылы жүзеге асырылады. 

Осы бағытта басқармаға қарасты 12 арнаулы әлеуметтік қызметтер көрсету орталықтары бар, орталықтарда 1162 қызметкерлер қызмет көрсетеді. 2024 жылға жоспарланған қаржысы 5,3 млрд теңге  (2023 жылы 4,3 млрд теңге болған) қаржы қаралған. Жыл басынан бастап игерілген қаржы – 4,7 млрд теңге. 

2024 жылы 3 491 адам оңалту шараларымен қамтылды. Оның ішінде стационар жағдайында – 798 азамат (2023 жылы - 816 адам), жартылай стационар жағдайында – 627 азамат (2023 жылы - 326 адам), үйде қызмет көрсету жағдайында – 956 азамат (2023 жылы - 953 адам), уақытша болу жағдайында – 599 азамат (2023 жылы - 452 адам), үкіметтік емес ұйымдар арқылы – 511 қызмет алушы, оның ішінде 179 жартылай стационар, 322 үйде қызмет алушы (2023 жылы - 496 адам).  

Сондай-ақ Шымкентте 150 орынға арналған оңалту орталығы салынады. Қалалық құрылыс басқармасы тарапынан мемлекеттік сатып алу конкурсы өткізілді, «А.Р.Т. –Құрылыс» ЖШС мердігер мекеме болып анықталды. Жобаның жалпы сметалық  құны  14,2 млрд теңге.