Шымкент қаласында 2047 көше жарықтандырылған

Шымкент қаласында 6714 көше бар (3897,4 км), оның ішінде 2047 көше (884,6 км) жарықтандырылған (30,4%), деп хабарлайды Adaladam.kz.
Атап айтқанда, Шымкент қаласының жолаушылар көлігі және  автомобиль жолдары басқармасы тарапынан қала аумағындағы 1301 көшеге жарық шамдары орнатылады. Қазіргі таңда 1237 көшеге орнатылып, іске қосылды. Жұмыс жоспарына сәйкес 2024 жылдың  желтоқсан айының соңына дейін толық аяқтау жоспарланған.
Қалалық энергетика және инфрақұрылымды дамыту басқармасы тарапынан осы жылдың соңына дейін мемлекеттік жекешелік әріптестік келісім шарты негізінде 38 көше (4 көшеде жарықтандыру жұмыстары жүргізілуде), демеуші есебінен («АБМ Билдинг 2007» ЖШС-і) 300 көше жарықтандырылады (50 көшеге орнатылып, іске қосылды). 
Сонымен қатар, Тұран шағын ауданындағы 13 көшені кезең кезеңімен жарықтандыру жұмыстары басталды. 2025 жылдың 1 жарты жылдығына дейін толығымен ақталады.
Биыл жарықтандыру жүйесімен қамту көрсеткіші 35,7%-ға жеткізу жоспарда.