Ауыл халқы жеңілдікпен несие ала алады

Әсіресе жаппай жұмыссыздықты азайтуға да үлкен үлес қосып отыр. Себебі, аталмыш бағдарлама қазіргі таңда ауыл халқына 2,5 пайызбен жеңілдетілген несие алуына мүмкіндік беріп келеді. Бұл қаржы шағын және орта бизнестің дамуына үлес қосып отыр.

2023 жылы бастау алған бұл бағдарламаның шарапатын бүгінге дейін жалпы саны 15 мыңнан аса адам көріп үлгерген. 100 млрд теңгеден астам қаржы бөлінген жоба әзірдің өзінде өзін ақтап отыр. Ел аумағында жаңадан мыңдаған кәсіп түрі ашылып, 15,5 мың жұмыс орны құрылған.

«Мал шаруашылығын дамытуға 11,9 мың шағын несие, өсімдік шаруашылығын дамытуға - 539 шағын несие берілді. Сонымен қатар техника мен құрал-жабдықтарды сатып алуға деп 411 несие мақұлданды.  1,6 мың шағын несие басқа да қызмет салаларына бағытталып отыр», - дейді Ауылшаруашылығы министрлігі өкілдері.

Сондай-ақ бағдарлама аясында ауыл тұрғындарының бизнесін дамытудың құрамдас бөлігі - ауыл шаруашылығы кооперативтері құрылып отыр. Олар өз кезегінде ресурстар түрлерін біріктіріп,  жеке қосалқы шаруашылық өнімдерін неғұрлым тиімді шарттармен сатуды қамтамасыз етуге жол ашып отыр. Осылайша жыл өткен сайын ауыл тұрғындарының кірісі де артып келеді.

«Ауыл аманатын» жүзеге асыру барысында өңірлерде төрт жүзге жуық осындай ауыл шаруашылығы кооперативтері құрылып үлгерен. Олардың 361-і өсімдік шаруашылығында, 1510-ы мал шаруашылығында, 2040-ы басқа қызмет түрлері бойынша жұмыс істеп тұр.

Бүгінде олардың 321-і қаржы тарта бастаған. Ал қаржыландыру көлемі  6,7 млрд теңгеге дейін жеткен.

«Өткен жылы олар 67,8 млрд теңгенің 1,2 млн тоннаға жуық ауыл шаруашылығы өнімін, өсімдік шаруашылығында 22,3 млрд теңгенің 1053,6 мың тоннасын, мал шаруашылығында 45,5 млрд теңгенің 187,3 мың тоннасын өндірді. Бұл 2022 жылдың дәл осы кезеңімен салыстырғанда  30%-ға артық», - делінген Ауыл шаруашылығы министрлігінің биылғы есебінде.

Бағдарлама талаптары бойынша шағын несие бес жылға дейінгі мерзімге беріледі. Ал мал шаруашылығы саласына қатысты жобалардың мерзімі жеті жыл.

Шағын несиенің ең жоғары сомасы 2,5 мың АЕК-ті құрайды. Ал ауыл шаруашылығы кооперативтерін дамытамын деген тұлғалар  8 мың айлық есептік көрсеткішке дейін несие ала алады.