Қуатты өңірлер қатары молайып келеді

Атап айтар болсақ, Семей өңірінде отандық нарықты заманауи құрылыс материалдарымен қамтамасыз ететін теңдессіз зауыт ашылды.

«Семей құрылыс материалдары» ЖШС-не қарасты бұл зауыт өңірде қосымша 100-ден астам жұмыс орнын ашуға жол ашып отыр. Зауыттың өндірістік қуаты жылына 2 миллион шаршы метрге жуық талшықты цемент тақталарын шығаруға мүмкіндік береді. Компания сонымен қатар, жабдықтарының халықаралық сапа стандарттарына сәйкестігімен ерекшеленіп отыр. Бұл өз кезегінде өнімнің ішкі және сыртқы нарықтағы жоғары бәсекеге қабілеттілігіне кепілдік береді дейді сарапшылар. Зауыттың тағы бір ерекшелігі – отандық шикізатты пайдаланып, жергілікті өнеркәсіптің дамуына септігін тигізбек.

Сондай-ақ, сарапшылар Қостанайдағы ашылғанына көп бола қоймаған «S.M.F.-SYSTEM тоқыма емес материалдар фабрикасының» толық қуатына келгенін айтап жатыр. Геотекстильдер, геокомпозиттер және гидрооқшаулағыш мембраналар сияқты геосинтетикалық материалдар шығаруға маманданған компанияның өндірістік базасы бүгінде әлем нарығынан орын ала бастаған.  Зауыт аз уақыттың ішінде 170 тоннаға жуық қайта өңделген өнім шығарып үлгерген. Сондай-ақ, 607,4 тонна полиэфирлі талшық алған.

Оған Қостанай облысына сапары барысында Қазақстан Республикасының Экология және табиғи ресурстар министрі Ерлан Нысанбаев та көз жеткізіп келгенін мәлім етті. Министрдің айтуынша, өндірістің қоршаған ортаға зияны аз. Сонымен қатар, аталмыш зауыт отандық өндіріске инновациялық технологияларды енгізу ісінде де біршама жетістікке жетіп отыр. Яғни зауыт қайта өңделген материалдар мен технологияларды пайдалануға ерекше назар аударады.

Министр жаңа жұмыс орындарын ашу мен өңір тұрғындарының өмір сүру деңгейін арттырудың маңыздылығына тоқталды. Жұмыс барымымен танысу барысында пластикалық қалдықтарды кәдеге жарату және құрылысқа экологиялық таза материалдарды енгізу саласында жаңа бастамаларды дамыту үшін компаниямен ынтымақтастық мүмкіндіктері де талқыланды.

«S.M.F.-SYSTEM зауыты біздің қоршаған ортаны қорғау миссиясына сәйкес келетін заманауи технологияларды сәтті қолданудың және ресурстарды тиімді пайдаланудың үлгісі болып табылады», - деді министр.

Отандық өндірістің драйвері болады деп күтіліп отырған тағы бір нысан – Шымкент қаласындағы «WAN SHENG CERAMIC» зауыты болып отыр. «Жұлдыз» арнайы индустриялық аймағы аумағында ашылып отырған бұл кәсіпорын ірі инвестициялық жоба саналады. Зауыт керамогранит яғни фарфордан, тастан жасалған бұйымдар шығарады. Орталық Азиядағы теңдесі жоқ зауыт саналатын аталмыш кәсіпорынның ашылуына қала әкімі Ғабит Сыздықбеков пен «WAN SHENG CERAMIC» шетелдік компаниясының құрылтайшылары қатысты. Қала әкімі өз сөзінде ауқымды зауыт Орталық Азиядағы құрылыс индустриясындағы ең ірі жобалардың біріне айналатынын атап өтті. Мемлекет басшысының инвестиция тарту жөніндегі тапсырмаларын жүзеге асыру аясында бұл жоба іске асырудың барлық кезеңдерінде жан-жақты қолдауға ие болды. Зауыттың ашылуы ішкі нарықты отандық құрылыс материалдарымен, әсіресе керамикалық плиткамен қамтамасыз етуге мүмкіндік береді.

Ал «WAN SHENG CERAMIC» ЖШС құрылтайшысы Ху Цзяньгуо өз сөзінде жобаны жүзеге асыруда көрсеткен көмегі мен белсенді қолдауы үшін қала әкімдігіне алғысын білдірді. Оның айтуынша, компания заманауи технологияларды енгізумен қатар, қызметкерлерді дамытуға арналған түрлі бағдарламаларды жүзеге асыруды көздеп отыр.

Айта кету керек, инвестициялық жобаның құны 25,5 млрд теңге, ал оның жалпы аумағы 32 гектарды құрайды. Кәсіпорында 350 жұмыс орны ашылды. Зауыттың құрылысы өткен жылы басталып, мұнда заманауи технологиялық жабдықтар орнатылған, өндіріс барынша қауіпсіз және экологиялық таза болады. Бірінші кезеңді іске қосу аясында кәсіпорын жыл сайын 12,7 млн ​​шаршы метр өнім шығаруды көздеп отыр. метр керамикалық плиткалар. Екінші кезең іске қосылғаннан кейін өндірістік қуаттылық екі есеге - 25,4 миллион шаршы метрге дейін артады. Қосымша 350 жұмыс орны ашылады. Бұл жобаны жүзеге асыру құрылыс саласын дамытуға ғана емес, заманауи өндірісті енгізуге, жаңа жұмыс орындарын ашуға да септігін тигізеді.