Баспанасыз тұрғындар үйлі болды

Салтанатты шараға облыс әкімі Талғат Мұратовтың өзі арнайы келіп қатысып, қоныс той иелері мен ауыл тұрғындарына бақ пен береке тіледі.

«Мемлекет көп балалы отбасылар мен ата-анасының қамқорлығынсыз қалған балаларға үлкен көңіл бөліп отырғанын білесіздер. Сол секілді ауданымызда әлеуметтік жағдайғларына байланысты баспанаға мұқтаж болып отырған жерлестеріміз аз емес. Мүмкіндігіне қарай біз де осындай топтағы азаматтарымызға қолдан келгенше көмек жасауға тырысып жатырмыз. Бүгін осындай жерлестеріміздің біразы баспаналы болып жатыр.  Қуанышын шын жүректен бөлісеміз, құтты болсын айтамыз. Жаңа үйлеріңіз тек құт-береке әкелсін!», - деді аудан әкімі.

Айтпақшы, Мұратов мырза алдағы Республика күні қарсаңында өңірде тағы 50-ге жуық отбасы жаңа баспанаға қол жеткізетінін айтып сүйіншіледі. Айта кету керек, соңғы үш жылда Бесқарағай ауданында көп балалы отбасылар мен халықтың әлеуметтік осал топтары өкілдеріне 200-ден астам пәтер берілген. 

Қазіргі уақытта Бесқарағай ауданында 2024 жылы аяқталады деп жоспарланған 11 екі пәтерлі тұрғын үй салынуда. Сонымен қатар, жыл соңына дейін тағы 19 екі пәтерлі тұрғын үйдің құрылысы жоспарлануда. Нәтижесінде 60-тан астам отбасын баспанамен қамтамасыз ету жоспарлануда. Глуховка, Беген, Канонерка, Бесқарағай және Қарағайлы ауылдарында құрылысшылар болашақ үйлердің қабырғаларын көтеріп, шатырларын орнатуда.

Айта кету керек, Бесқарағай ауданында ұзын-саны 17 460 адам тұрады.