Жастар арасындағы патриотизм күшейіп келеді

Атам қазақ бұл үрдісті бала тал бесікте жатқан кезінен бастаған. Тәрбиесі тал бесіктен басталған буын бұл міндеттен сүрінбей өтетіні даусыз.

Стаистикалық деректерге сенсек, бүгінде ел халқының 19,8 пайызын жастар құрайды екен. Әдетте жастар арасындағы патриотизм эмоционалды құбылыс болып есептеледі. Ол бірде шексіз сүйіспеншілікке негізделсе, бірде қоғамдағы сәл әділетсіздікке қарсылық ретінде өріс алып кетуі мүмкін. Бір қуантарлығы осындай албырт, қызба кезеңдегі патриотизм құбылысын бала дүниеге келген күннен бастап бойына сіңір адами құндылықтар алмастырып келеді. Осының арқасындағы еліміздегі жастардың бойындағы патриотизм сенім, үміт, адалдық қағидаларын негіз етіп отыр.

Қазақстан – көпұлтты және көпконфессиялы мемлекет. Бұл әрине өз кезегінде патриоттық тәрбиесіне келгенде жаңаша, өзгеше идеологияны қажет ететіні даусыз. Көптеген әлеуметтануышылар патриоттық тәрбиенің негізгі ошағы гуманизмге бағытталуы керек екенін айтады. Бұл ұлт пен ұлттың, халық пен халықтың арасындағы сыйластық пен татулыққа алып келеді. Әрі бұл еркіндік, әділдік, жауапкершілік сияқты адами қасиеттерден туындайтын құндылықтарға алып келеді.

Сонымен қатар, сарапшылар қазақ қоғамындағы осындай құндылықтардың ешбір ұлттың өз тамырынан, болмысынан ажырамай өмір сүруіне жол ашып, өз өміріңді өзгеге күштеп таңып алмай, бейбіт өмір сүруге мүмкіндік беріп отырғанын айтады. 

«Ұлт, ұлт деп отырғанымыз осы. Ал ұлт пен ұлтты бір-бірінен ажыратып, бір-бірінен ерекшелендіретін сол ұлтқа ғана тән мәдениет пен ұлттық құндылықтар. Түлтума мәдениетіміздің нәзік және мағыналы аспектілерін мүмкіндігінше кеңінен таратып, күнделікті өмірімізде қолдана алсақ, ешқандай проблема болмайды. Мәселе ғасырлар бойы төл мәдениетіміз арқылы сүзгіден өткен құндылықтарды қабылдамаудан басталады. Егер сіздің жеке мәдениетіңіз қажет болмаса, онда осы сәттен бастап құлдырау мен сіңіру басталады», - дейді әлеуметтанушы Жанар Таңсыққызы.